Дар шартгузорӣ бонки аввалаи бозингар бояд чӣ қадар бошад?

Ба ташкил кардани банкролл чӣ тавр дуруст машғул шуд?

Маъмулан, шартгузориҳои аввалини навёдгирон одатшуда ба назар мерасанд. Бозингарон дар портале, ки ба онҳо маъқул мешавад, сабти ном карда, ҳисоби худро пур мекунанд ва бе дудилагӣ як қисми маблағ ё ҳатто тамоми пулашонро барои шартбандӣ ҷудо мекунанд. Агар бахти мизоҷ омад кунад, ӯ бурди хуб ба даст меорад. Шартгузориҳои оянда низ ба ҳамин тарз сурат мегиранд.

Аммо, чунин муносибат ба молияи шахсӣ ва бонки (маблағ) шартгузорӣ нодуруст аст. Пеш аз ҷудо кардани маблағ барои шартбандӣ, бозингар бояд ба омилҳои зерин диққат диҳад:

1. Буҷаи худро арзёбӣ кунед (маблағи мавҷуда дар суратҳисоб) ва чунин як қисми онро ҷудо кунед, ки барои аз даст додан ҳайф набошад. Якчанд тарҳ барои аниқ ҳисоб кардани ин маблағ вуҷуд дорад. Вале дар бораи онҳо дар мавзӯи оянда сӯҳбат хоҳем кард.
2. Пули охирини худро набояд шартгузорӣ кард. Ин на ба пулҳои ҳисоби бозӣ, балки умуман ба маблағи мавҷуда барои зиндагӣ, пардохти хидматҳои коммуналӣ, ипотека ва ғайра дахл дорад.
3. Муқаррар кардани меъёри шартгузорӣ барои як рӯз ё ҳафта. Ҳатто дар сурати бурди пай дар пайи якчанд шартгузорӣ, набояд аз ҳудуди интихобшуда берун баромад. Ба худ танаффус диҳед, то натиҷаи шартбандиҳои ояндаро бо ақли тоза тахмин кунед.
4. Танҳо ба рӯйдодҳои санҷидашуда шартгузорӣ кунед. Барои дуруст тахмин кардани натиҷа, бозингар бояд дастаҳоро хуб донад. Бинобар ин, беҳтараш он намудҳои варзишро интихоб кард, ки шартгузор ба онҳо шавқ дорад.
5. Пеш аз шартгузорӣ ҳама рӯйдодҳоро таҳлил кунед. Ҳатто агар бозингар дастаҳоро хуб донад ҳам, танҳо ба гувоҳии дил (интуитсия) такя кардан даркор нест. Бо бозиҳои пешинаи даста ё варзишгар шинос шудан зарур аст.
6. Истифода бурдани стратегияҳои молиявӣ. Якчанд варианти гузоштани шартбандӣ мавҷуд аст. Дар бораи онҳо дар яке аз мавзӯҳои минбаъдаи мактабамон гуфтугӯ хоҳем кард.
7. Такмил додани маҳорати худ. Чӣ қадаре ки бештар мизоҷ шартгузорӣ кунад, ҳамон қадар беҳтар нозукиҳои кори букмекерро медонад ва метавонад ӯро мағлуб кунад.
8. Шартгузориҳои якка барои навёдгирон. Қадамҳои худро дар шартбандиҳои варзишӣ бояд бо ординар оғоз кард. Он соддатарин буда, бо ҳисобкунии дурусти бонк ва натиҷа метавонад ба бозингарон бурди хуб оварад. Экспрессҳои мураккабро танҳо баъди гирифтани таҷриба истифода бурдан лозим аст.
9. Идора кардани эҳсосот. Дар мақолаи гузашта мо дар бораи хатогиҳои маъмултарини бозингарон гуфта будем. Барои гузоштани шартбандӣ шитоб накунед, хусусан дар зери таъсири эҳсосоти мусбат ё манфӣ. Барои ба даст овардани бурдҳои калон танҳо тахмини дилсардона ва оромӣ кӯмак мекунад.
10. Ба тамоми маблағ (ва-банк) бозӣ накунед. Тамоми пулҳои дар ҳисоб мавҷудбударо набояд ба як шартбандии варзишӣ гузошт, ҳатто агар шумо ба натиҷаи муваффақ 101% боварӣ дошта бошед. Ҳамеша ҳолати ғайричашмдошт мешавад, ки метавонад бар зидди шартгузор кор кунад.

Ба маблағи шартгузорӣ чӣ гуна муносибат кард?

Барои ҳар як бозингар фаҳмидани он муҳим аст, ки идоракунии банкролл маҳаки асосии муваффақият мебошад. Агар пулҳои бозиро ҳисобгирӣ карда, маблағи боандеша шартгузорӣ шавад (комилан, мизоҷ бояд ба як рӯйдод аз банкролли умумӣ ҳадди аксар 3-5% маблағро шартгузорӣ кунад), пас метавон маблағҳои худро зиёд кард. Бинобар ин, зарур аст, ки ташкили бонк барои шартгузорӣ бодиққат баррасӣ карда шавад.

Воқеан, ҳар як шартгузори корозмуда миқдори муайяни пул дорад, ки танҳо барои шартбандӣ ба варзиш пешбинӣ шудааст. Бо шарофати чунин муносибат, бозингарони кордон нисбат ба ҳаводорон дар сатҳи баландтар ба шартбандиҳои варзишӣ машғуланд.

Мо боварӣ дорем, ки хонандагони дарсҳои мо низ мехоҳанд ба қатори шартгузорони касбӣ ҳамроҳ шаванд. Қадами аввал барои ин — ба таври ҷиддӣ баҳо додани тавоноии худ ва омӯхтани идоракунии банкролл мебошад. Мақолаҳои сатҳи дуюми мактаб ба ҳамин бахшида шудаанд.

---

Инчунин хонед