Որքա՞ն պետք է լինի խաղացողի նախնական բանկը խաղադրույքներում

Ո՞րն է բանկրոլի ձևավորման ճիշտ մոտեցումը։

Որպես կանոն, սկսնակների առաջին խաղադրույքներն ավանդական ձևով են անում։ Խաղացողները գրանցվում են իրենց հավանած պորտալում, համարլում են իրենց հաշիվը և առանց վարանելու հատկացնում են գումարի մի մասը կամ նույնիսկ ամբողջ գումարը խաղադրույքի համար: Եթե ​​օգտատերը հաջողակ է, նա մեծ գումար է շահում: Նմանատիպ սխեմայով իրականացվում են նաև հաջորդող խաղադրույքները։

Այնուամենայնիվ, անձնական դրամական միջոցների և խաղադրույքների բանկի նկատմամբ նման վերաբերմունքը սխալ է։ Նախքան խաղադրույքին գումար հատկացնելը խաղացողը պետք է ուշադրություն դարձնի հետևյալ գործոններին․

1. Գնահատել սեփական բյուջեն (հաշվին հասանելի գումարը) և խաղադրույքին հատկացնել գումարի այն մասը, որը չեք ափսոսում կորցնել։ Գոյություն ունի գումարի այդ չափի հաշվման մի քանի սխեմա, սակայն դրանց մասին կխոսենք մեկ այլ անգամ։
2. Խաղադրույքին հատկացվող գումարը չպետք է խաղացողի վերջին դրամական միջոցները լինի։ Սա վերաբերում է ոչ թե խաղային հաշվի գումարին, այլ, ընդհանուր առմամբ, խաղացողի ունեցած գումարին՝ ամենօրյա կարիքները հոգալու, կոնունալ վճարներն ու վարկերը վճարելու և այլ կարիքների համար համար։
3. Սահմանափակումներ դնել խաղադրույքների վրա՝ օրվա կամ շաբաթվա կտրվածքով։ Նույնիսկ մի քանի խաղադրույքների հաղթանակից հետո չարժե անցնել սահմանված չափը։ Թույլ տվեք ինքներդ ձեզ հանգստանալ և թարմ ուղեղով հաշվարկել հաջորդ խաղադրույքների ելքերը։
4. Խաղադրույքներ արեք միայն ստուգված իրադարձությունների վրա։ Խաղացողը պետք է լավ ծանոթ լինի թիմերին, որպեսզի կարողանա ճիշտ հաշվարկել խաղի ելքը։ Հետևաբար, ավելի լավ է ընտրել այն սպորտաձևերը, որոնց լավ ծանոթ է խաղացողը։
5. Խաղադրույք անելուց առաջ վերլուծեք բոլոր իրադարձությունները։ Նույնիսկ այն դեպքում, երբ խաղացողը լավ ծանոթ է թիմերին, չարժե հիմնվել միայն սեփական ներքին ձայնի վրա։ Անհրաժեշտ է ծանոթանալ թիմերի կամ մարզիկների նախորդ խաղերին։
6. Օգտվել ֆինանսական ռազմավարություններից։ Գոյություն ունի խաղադրույք անելու մի քանի տարբերակ։ Դրանց մասին կխոսենք մեր դպրոցի վերջին թեմաներից մեկում։
7. <Զարգացնել հմտությունները։ Որքան շատ խաղադրույք է անում օգտատերը, այնքան ավելի լավ է ծանոթանում բուքմեյքերի աշխատանքի նրբություններին և կարող է նրան հաղթել։
8. Սովորական խաղադրույքներ սկսնակների համար։ Սպորտային բեթինգում ճանապարհն արժե սկսել սովորական խաղադրույքներից։ Դրանք ամենապարզն են։ Բանկի և իրադարձության ելքի ճիշտ հաշվարկի դեպքում դրանք կարող են բավականին լավ շահումներ բերել։ Բարդ էքսպրեսներ արժե անել միայն որոշակի փորձ ձեռք բերելուց հետո։
9. Կառավարել զգացմունքները։ Նախորդ հոդվածում մենք պատմեցինք, թե որոնք են խաղացողների շրջանում ամենատարածված սխալները։ Չարժե շտապել խաղադրույքներ անելու հարցում, հատկապես դրական կամ բացասական հույզերի ազդեցության տակ։ Միայն սառը հաշվարկը և հանդարտությունը կօգնեն մեծ շահումներ ստանալ։
10. Չխաղալ վաբանկ։ Չարժե հաշվին հասանելի ողջ գումարը հատկացնել խաղադրույքներին, նույնիսկ եթե 101%-ով վստահ եք, որ ելքը հաջող կլինի։ Միշտ էլ լինում են անկանխատեսելի հանգամանքներ, որոնք կարող են ոչ հօգուտ խաղացողի դասավորվել։

Ինչպե՞ս վերաբերվել բանկին խաղադրույքներում։

Յուրաքանչյուր խաղացող պետք է հասկանա, որ բանկրոլի կառավարումը հաջողության հիմնաքարն է: Եթե կառավարեք խաղային դրամական միջոցները և խելամիտ կերպով գումարներ դնեք (իդեալական կլինի, եթե օգտատերը մեկ իրադարձության համար խաղադրույք անի ընդհանուր գումարի առավելագույնը 3-5%-ի չափով), կարող եք ավելացնել Ձեր ֆինանսները: Հետևաբար, արժե ուշադիր դիտարկել խաղադրույքների համար բանկի ձևավորումը:

Յուրաքանչյուր պրոֆեսիոնալ խաղացող կփաստի, որ ունի ֆիքսված գումար, որը նախատեսված է բացառապես սպորտային խաղադրույքների համար։ Այս մոտեցման շնորհիվ մասնագետները սիրողական խաղացողների համեմատ ավելի բարձր մակարդակով են զբաղվում սպորտային խաղադրույքներով:

Համոզված ենք, որ մեր դասերի ընթերցողները նույնպես ցանկանում են դասվել պրոֆեսիոնալ խաղացողների շարքին: Դրա համար առաջին քայլն այն է, որ լրջորեն գնահատեք Ձեր ուժերը և սովորեք կառավարել Ձեր բանկրոլը: Հենց սրան ենք նվիրել մեր դպրոցի երկրորդ մակարդակի հոդվածները։

---

Կարդացեք նաև